Qué es lo procès de preinscripcion e aspèctes que cal prene en compte per escuélher escòla [so] (2021)

Abstract

Vos explicam com ei era preinscripcion escolara: trigar centre educatiu, premanir era documentacion, presentar-la, respectar es terminis e compréner eth sistèma de punts.

Prumèr auetz de conéisher eth sistèma educatiu de cada centre, damb es sòns objectius, principis, valors, metodologia d’aprendissatge, organizacion, forma de trabalhar e tractament de lengües, entre d’autes qüestions, com es servicis qu’aufrís, es programes en qué participe, es espacis e es equipaments. Trobaratz informacion enes jornades de pòrtes dubèrtes, ena web preinscripcion.gencat.cat, enes webs des centres, es burèus municipaus d’escolarizacion e es ajuntaments.

Era presentacion dera sollicitud de preinscripcion s’a de hèr en linha, ena web preinscripcion.gencat.cat, damb eth numerò identificador der escolan o escolana e eth DNI electronic, era signatura electronica e er IdCat Mobil. Es infants o joeni que s’escolarizen per prumèr còp en Catalonha an de presentar eth libre de familha e eth DNI deth pair, era mair, eth tutor o era tutritz. Damb açò, cada familha receberà un resguard dera sollicitud.

Es infants o joeni receberàn era assignacion de plaça segontes diuèrsi critèris, com se i a d’auti frairs o fraies qu’estúdien en centre, s’ei fòrça propèr ath domicili o se i a bèth besonh educatiu especiau. En cas qu’er escolanat qu’acabe era primària e passe tara ESO, cau saber que cada escòla ei adcrita aumens a un institut. Es gojats e gojates procedenti d’escòles adscrites an prioritat ena assignacion de places en aqueri casi en qué eth nombre de sollicituds de preinscripcion a un institut sigue superior ara ofèrta de places disponibles.

Es escòles publicaràn es resultats dera preinscripcion, que tanben se poderàn consultar enes burèus municipaus d’escolarizacion. En cas que non se sigue d’acòrd damb eth barèm provisionau o se i a un error, se pòt presentar ua reclamacion. Hèta era assignacion de places, calerà formalizar era matricula en centre assignat.

Ei important d’auer en compde eth calendari previst entà que non se vos passe eth termini.